Игорь Владимирович Сергеев

Игорь Владимирович Сергеев (өзб. Igor Vladimirovich Sergeyev; 30 сәуір 1993, Ташкент) — өзбекстандық футболшы, "Би Джи Патхум Юнайтед" клубы мен Өзбекстан Ұлттық футбол құрамасының шабуылшысы.

Игорь Сергеев
Жалпы мағлұмат
Туған күні	30 сәуір 1993 (1993-04-30) (31 жас)
Туған жері	Ташкент
Азаматтығы	Өзбекстан
Бойы	185
Салмағы	75
Позиция	шабуылшы
Клуб жайлы ақпарат
Клуб	Би Джи Патхум Юнайтед
Клуб карьерасы 2011—2017 Пахтакор 143 (66) 2016 →  Бейжің Гоань 14 (1) 2017—2018 Әл-Зафра 6 (1) 2018—2021 Пахтакор 56 (37) 2021 Ақтөбе 18 (8) 2021—2023 Тобыл 45 (17) 2023— Би Джи Патхум Юнайтед 15 (5) Ұлттық құрамы 2013— Өзбекстан 72 (19)

Карьерасы

Клубтық

2011 жылы карьерасын туған клубы "Пахтакорда" бастады. Ұзамай жастығына қарамастан клуб жетекшісіне айналды. 2015 жылғы маусым қорытындысында 24 гол соғып, чемпионаттың үздік мергені атанды.

2016 жылы шілдеде Қытайдың "Бейжің Гоань" клубына жалға берілді. Бірақ ол жақтағы карьерасы сәтсіз болды, жыл соңында дейін 14 кездесуде алаңға шығып, бір гол ғана соқты.

2017 желтоқсанда "Әл-Зарфа" клубына ауысты.

2018 жылы жазда "Пахтакорға" оралды.

2021 жылдың ақпан айында Қазастанның 5-дүркін чемпионы "Ақтөбе" клубына ауысты.

2021 жылғы жазда "Тобылға" ауысты. 22 шілдеде еурокубоктардағы тұңғыш ойынын өткізді. УЕФА Конференциялары лигасының екінші іріктеу кезеңінде сырт алаңда "Хайдукпен" ойынның 57 минутында алаңға шықты. Бір аптадан кейін қарымта ойында екі гол соғып "Тобылдың" жеңісіне үлес қосты (4:1).

Халықаралық

2013 жылы 10 қыркүйекте Иорданияға қарсы ойында ұлттық құрама сапында тұңғыш рет алаңға шықты. 2015 жылы Аустралияда өткен Азия кубогына қатысып, үш кездесуде бір гол соқты.

Жетістіктері

Командалық

• Өзбекстан чемпионы (4): 2012, 2014, 2015, 2019
• Өзбекстан чемпионатының қола жүлдегері: 2011
• Өзбекстан кубогы (2): 2011, 2019
• Қазақстан чемпионы: 2021

Жеке

• Өзбекстан чемпионатының үздік мергені: 2015
• Жастар арасындағы Азия кубогының үздік мергені: 2012

Сілтемелер

• Профилі