Игілік Омаров
Игілік Омаров (1934-2007) – арқадан шыққан айтулы әнші.
Арғын тайпасының Қуандық руының Алсай бөлімінен шыққан. «Ақерке», «Тау ішінде», «Сен сұлу», «Әлі есімде», «Қанатталды», «Жамбас сипар», «Адасқақ», «Жайлаукөл кештері», «Арқа аруы», «Мұңданып менің дағы туар айым», Ауылым» әндерін шырқағанда жанынды тербеп, жүрек-бауырынды солқылдатқан әнші ретінде халықтын есінде қалды. Игілік Омаров маңғаз бітімді, кербез талант иесі. Ол сол талантты туған халқының игілігіне арнады. Еркелете шырқаған есіл үн есінегендерді ұйқысынан оятты, жастардың арман қанаттарын қатайтып, биіктерге самғатты. Соңына өзіне ғана тән сыршыл да сырбаз, еркін де ерке, ашық та ғашық үнімен «Игіліктің дауысы ғой» дегізіп, талай тамаша әндер қалдырған, ән салу мәнері, өнер адамына лайық әдебі бөлек болған Игілік Омаров – арқадан шыққан айтулы әнші.
Дереккөзі
өңдеу"«Айгөлек» балалар журналы, №9, 2014 жыл"