Ильиншілдер

Ильиншілдер - ( "етене туыстық" немесе "сион хабары" ) - 19 ғасырдың 40 жылдарында Уралда патша армиясының штабс- капитаны Н. Ильин негізін салған иеговтік бағыттағы секта. Сектаның дін ілімі Ильиннің "Сион хабары" және басқа шығармаларында баяндалған және иудаизм мен христиандық қоспасы болып табылады. Ильин Тауратты теріске шығарып, тек "Иоанның сыр ашуын" мойындады. Ильиннің пікірі бойынша, ең жоғары тіркілік иесі қасиетті троица (үштік құдай емес), жалғыз құдай - әке, Иегова болып табылады. Иисус Христос - құдайдың "аспандағы ана Элогаимадан" туған ұлы, қасиеттілік дәрежеге жердегі адамдар арасында жетті. Ильиннің ілімі бойынша әрбір иеговист сектаның талаптарын орындай отырып, "қасиеттілік және жоғары адамгершілік" дәрежесіне жетіп, Христ сияқты адам-құдайға айнала алады. Дүниеде Иегова мен Иегованың бас емес ұлы - Люцефердің (сайтанмен) арасында күрес жүріп жатады. Сайтан күшіне қарсы шешуші майданда - "армагеддон шайқасында" Христос өзіне шын берілген 144 мың иеговшілерді басқарып, сайтан күшін жояды, содан кейін иеговистердің мың жылдық патшалық дәуірі басталады. Ильиншілдер қасиетті иерархияны, құпиялық пен салт- жораларды, иконалар мен күресті, әулиелер сүйегін қастерлеуді мойындамайды. Христиан діні мейрамдары сектада иудейлік мейрамдармен ауыстырылған (жексенбі-сенбімен ауыстырылып, шоқындырудың орнына сүндетке отырғызу дәстүрі жасалады). Құдайға құлшылық ету діни әдебиеттерді оқұға және дұға оқу кезінде халық әндері әуеніндегі гимндерді айтуға саяды. Қазіргі кезде уағыздаушылар басқаратын Ильиншілдердің жекелеген топтары Украинаның , Қазақстанның, РСФСР - дің кейбір облыстарының территориясында бар.