Импульстік сәулелендіру

Импульстік сәулелендіру (Импульсное излучение) — импульс түрінде қысқа радиотолқынды электрмагнитті энергияны радиотехникалық қондырғылармен сәулелендіру. Әдетте, импульстердің өздеріне қарағанда уақыт аралығы үлкен. Импульстік сәулелендіру көбіне радиолокация мен радионавигацияда қашықтық координаттарын анықтау үшін, сонымен қатар радиобайланыста, телебасқару мен телеөлшемдер радиожелілерінде, көп арналы жүйелерде арналарды уақытша бөлу үшін қолданылады.

Импульстік техника (Импульсная техника) — импульстік ретпен жұмыс жасайтын радиоэлектрониканың саласы (электронды құрылғылар электр сигналдарының әсеріне үздіксіз емес, кейбір уақытта ғана түседі). Импульстік техника электр импульстерінің қалыптасуын, олардың өзгеруі мен өлшемдерін зерттеу мен қолдануды, сондай-ақ автоматика, телемеханика және есептеу техникасында, электр байланысы мен радиолокацияда, теледидар мен өлшеуіш техникада қолданылатын импіульстік жүйелердің жобалануы мен есептелуін қамтиды. Импульстік техника әскери техникада көп қолданылады.