Инти

Инти (ис. Inti) — 1985 жыл мен 1991 жыл аралығындағы Перу валютасы. 1 интиде 100 сентимо болған.

Инти Перулік сольдыӊ Фернандо Белаунде Терри кезінде құнсыздануына байланысты шықты. Бір инти 1000 ескі перулік сольмен айырбасталынды, бірақ инфляция 1991 жылы қайта күшті қарқын алып, Перу президенті Фухимори жаӊа деноминация енгізіп және перулік жаӊа сольді 1 миллион инти = 1 жаӊа соль бағамымен енгізуге мәжбүр болды.

Валюта атауын Инктер мифологиясыдағы күн құдайы Интидің құрметіне алған. Перудыӊ алдыӊғы және кейінгі валютасы «соль» (ис. Sol) атауы да испан тілінен аударғанда күн деген мағынана береді. Күн құдайы Инти Перудің басты символдарының бірі болып табылады.

Монеталар

1985 жылы 1, 5, 10, 50 сентимо және 1, 5 инти монеталары шықты. 1986 жылы 20 сентимо монетасы шықты. 1 сентимо 1985 жылы ғана шығарылса, 5 сентимо 1985 және 1986 жылы шығарылды. Қалған монеталар 1988 жылға дейін шығарылды.

Банкнот

1985 жылы 10, 50, 100 және 500 инти банкноттары шықты. 1986 жылы 1000 инти банкноты шықты, ал 1988 жылы өсіп жатқан инфляцияға байланысты 5000 және 10 000 инти банкноттары жарық көрді. 1989 жылы 50 000 және 100 000 инти банкноттары, ал 1990 жылдыӊ басында қарқынды өсіп жатқан инфляция кезінде 500 000 инти, осы жылдыӊ ортасында 1 000 000, маусымда 5 000 000 инти шықты.

• 10 инти — Рикардо Пальма, жазушы.
• 50 инти — Николас де Пьерола, президент, қаржы министрі.
• 100 инти — Рамон Кастилья, Президент, маршал.
• 500 инти — Тупак Амару II, Инд революциясының көшбасшысы.
• 1000 инти — Андрес Авелино Касерес, президент, маршал.
• 5000 инти — Мигель Грау, адмирал.
• 10 000 инти — Сесар Вальехо, жазушы.
• 50 000 инти — Виктор Рауль Айя де ла Торре, саясаткер.
• 100 000 инти — Франсиско Болоньези, әскери адам, Перудың халық қаһарманы.
• 500 000 инти — Рикардо Пальма, жазушы.
• 1 000 000 инти — Ипполито Унануе, медик
• 5 000 000 инти — Антонио Раймонди, ғалым, географ.