Борис Владимирович Иогансон

Борис Владимирович Иогансон (25. 07. 1893 жылы туған, Москва) — совет кескіндемешiсi, КСРО халық суретшiсi (1943), КСРО Көркемсурет академиясының академигі (1947), Соц. Еңбек Epi (1968). 1943 жылдан КОКП мүшесi. 1953-1958 жылдары КСРО Көркемсурет академиясының вице-президентi, 1958-1962 жылдары президенті болды. Москваның кескіндеме, мүсін және сәулет өнері училищесiнде оқып (1912-1918), Н. А. Касаткин, С. В. Малютин, К. А. Коровиннен сабақ алған. 1937-1961 жылдары Ленинградтың кескіндеме, мүсін және архит. институтында сабақ берген (1939 жылдан профессор). КСРО Суретшiлер одағының бiрiншi секретары (1965-1968). 3 рет Ленин ордені және «Құрмет Белгісі» орденімен марапатталған.