Иондайтын сәуле

Иондайтын сәуле, кванттық (электрмагниттік) немесе корпускулярлық (қарапайым бөлшектерден құралған) сәуле, оның әсерімен бейтарап атомдар мен молекулалардан оң және теріс зарядталған бөлшектер-иондар пайда болады. Кванттық И.с.ультракүлгін, рентген және гамма-сәулелер, корпускулярлықтарға – альфа-сәулелер, протондар, позитрондар, нейтрондар және басқа да бөлшектер ағындары жатады. Табиғи И.с. – космостық сәулелер мен радиоактивтік заттардың сәулеленуі. И.с. жасанды көздері - ядролық жарылыстар, ядролық реакторлар, зарядталған бөлшектерді тездеткіштер, рентген аппараттары. Белгіленген И.с. деңгейінде ядролық қарудың зақымдау факторларының бірі болып табылады. И.с. дозасымен өлшенеді.

Дереккөздер

Төтенше жағдайлар және азаматтық қорғаныс: Энциклопедиялық анықтамалық. / Бас ред. Б.Ө. Жақып. – Алматы: «Қазақ энциклопедиясы»,2011. – 640 б. Қазақша-орысша, орысша-қазақша.ІSBN 9965-893-69-1