Иравади
Иравади немесе Ирравади - Мьянмадағы (Бирма) (бастауы Қытайда, алабының біразы Қытай мен Үндістанда) аса ірі өзені.
| Иравади | |
|---|---|
| |
| Сипаттамасы | |
| Ұзындығы | 2170 км |
| Су алабының ауданы |
411000 км² |
| Су шығыны | 13000-14000 м³/с |
| Су ағысы | |
| Бастауы | Мали (өзен)/Нмай |
| • Орналасқан жері | Гималаи |
| • Координаттары | 25°42′35″ с. е. 97°29′55″ ш. б. / 25.709793° с. е. 97.498548° ш. б. (G) (O) (Я) |
| Сағасы | Андаман теңізі |
| • Координаттары | 15°46′39″ с. е. 95°03′49″ ш. б. / 15.777608° с. е. 95.063546° ш. б. (G) (O) (Я)Координаттар: 15°46′39″ с. е. 95°03′49″ ш. б. / 15.777608° с. е. 95.063546° ш. б. (G) (O) (Я) |
| Орналасуы | |
| Ел | Мьянма |
Үзындығы 2150 км, алабы 430 мың км (кейбір деректер бойынша, 415 мың км²). Гималайдың шығыс сілемдерінен басталып, негізінен солтүстіктен оңтүстікке қарай ағады. Иравади мен оның салалары жоғарғы жағында жунгли арасымен терең шатқалдар арқылы ағады, арнасы шоңғалды келеді. Орта және төменгі ағысында Иравади жазығын кесіп өтеді, бұл тұста аңғары кеңейеді. Сағасына 300 км қалғанда батпақты атырауы басталады, оның ауданы 30 мың кm² шамалы (кейбір дерек бойынша, 48 мың кm²). Орташа су шығыны төменгі ағысында 13 - 14 мың m³/ сек. Нөсер жаңбыр жауған кезде 40 мың m³/ сек - қа жетеді. Сұрапыл су тасқыны жиі болып тұрады. 1100 км - ге дейін, жазда 1440 км - ге дейін (Бамо қаласына дейін) дейін кеме жүзеді. Кішігірім кемелер Мьичина қаласына (сағасынан 1600 км) дейін көтеріле алады. Орта және төменгі ағысында Иравади және оның салаларымен жер ағызылады. Энергия ресурсы мол, бірақ мүлде пайдаланылмайды. Жағасында Мандалай, Пьи, Хинтада қалалары, атырауында Бирманың астанасы - Рангун қаласы орналасқан[1].
Дереккөздер
өңдеу- ↑ Қазақ Совет Энциклопедиясы, Алматы 1974,5 том