Иравади жазығы

Иравади жазығы - Оңтүстік-Шығыс Азияда, Мьянма еліндегі ірі жазық. Ол Иравади өзенінің орта және төменгі ағысы өтер аймақта орналасқан. Батысында оны Аракан-Йома (3053 м) тауы, шығысында Шан таулы қыраты (2519 м) шектеп жатыр. Жазықтың орташа биіктігі 200-300 м. Солтүстіктен оңтүстікке қарай еңістеніп 385 м-ден 100-50 метрге дейін төмендейді. Тектоникалық тұрғыдан, Иравади жазығы - төрттік кезеңнің аллювийлік және теңіз шөгіндерімен толтырылған ойыс. Жер бедері Иравади өзені және оның көптеген салаларының әрекетімен тілімденген. Жазықтың ұзындығы шамамен 600-800 км, ені 200-300 км. Климаты - муссонды, тропиктік. Жауын-шашыны мол. Оның орташа жылдық мөлшері 1000 мм-ден 300 мм-ге дейін. Жауынның ең көп мөлшері тамыз айында түседі. Иравади жазығы ауыл шаруашылық мақсатында кең пайдаланады. Жазықтың құнарлы топырағында күріш, жүгері, темекі, қос жарнақтылар, т.б. өсімдіктер өсіріледі. Жазықта орналасқан ірі қалалар: Янгон, Печу, Хензада, Мачве, Чаук, т.б.

Дереккөздер

Қазақстан Ұлттық Энциклопедия. 4 том. ISBN 5-89800-157-3