Иректіс

Иректіс, берула (лат. Berula) – шатыршагүлділер тұқымдасына жататын көп жылдық батпақ өсімдіктері.

Иректіс
түзу иректіс
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Apiales Тұқымдасы: Apiaceae Кіші тұқымдасы: Apioideae Тайпасы: Oenantheae Тегі: Berula W.D.J.Koch
түрлері
4-5 түрі белгілі

Қазақстанда Іле, Күнгей Алатаулары мен Батыс Тянь-Шаньдағы Қаратаудың өзен-көл, жылғалар мен арықтардың жағалауларында өсетін 1 түрі – түзу Иректіс (В. erecta) бар. Оның биіктігі 50 – 60 см, тамыры шашақталған, сабағының іші қуыс, сырты жіңішке тілімденген. Жапырақтары негізінен судың ішінде жатады, су бетіне шыққандарының сағақтары әлсіз, ұзынша немесе қауырсынды тілімденіп келеді. Тостағанша жапырақшаларының жіңішке тісшелері анық көрінеді, күлтелері ақ түсті, пішіндері жұмыртқа тәрізді. Гүлдері 15 – 20-дан топталып, шатырша гүлшоғырын құрайды. Шілде айында гүлдеп, тамызда жемістенеді. Жемісі домалақ, ұзындығы 2 мм-дей болады

Түрлері

1. Berula bracteata (Roxb.) Spalik & S.R.Downie
2. Berula burchellii (Hook.f.) Spalik & S.R.Downie
3. Berula erecta (Huds.) Coville – түзу иректіс
4. Berula imbricata (Schinz) Spalik & S.R.Downie
5. Berula repanda (Welw. ex Hiern) Spalik & S.R.Downie

Сыртқы сілтеме

• Берула - семена растений

Ортаққорда бұған қатысты медиа файлдар бар: Category:Berula