Иірсу-Дәубаба қорықшасы
Иірсу-Дәубаба қорықшасы – республикалық маңызға ие зоологиялық қорықша.
| Иірсу-Дәубаба қорықшасы | |
| Жалпы мағлұмат | |
|---|---|
| Ауданы | 19 000 га |
| Орташа биіктігі | 1800 м |
| Орналасуы | |
| 42°25′23″ с. е. 70°07′25″ ш. б. / 42.423046° с. е. 70.123525° ш. б. (G) (O) (Я)Координаттар: 42°25′23″ с. е. 70°07′25″ ш. б. / 42.423046° с. е. 70.123525° ш. б. (G) (O) (Я) | |
| Ел |  Қазақстан |
| Аймақ | Түркістан облысы |
| Аудан | Түлкібас ауданы |
Географиялық орны
өңдеуТүркістан облысы Түлкібас ауданының жерінде 19 мың га жерді алып жатыр. Талас Алатауының қиыр батысындағы тау жоталарында (биіктігі теңіз деңгейінен 1800 метрге дейін) орналасқан.
Жер бедері мен флорасы
өңдеуЖер бедері адырлы-шоқылы болып біткен. Бетегелі далада астық тұқымдастары мен шалғындық шөптесін өсімдіктер және бұта (итмұрын, долана, ырғай, т.б.) өседі. Қорықшаның жер бедері сай-салалы, ойысты, құлама жарлы келеді. Сайлы жерлерде әр түрлі жеміс ағаштары (алма, шие, т.б.) мен шағын ормандар кездеседі.
Фаунасы
өңдеуЖануарлардан – елік, қасқыр, түлкі, қызыл суыр, сібір таутекесі, т.б. мекендейді. Құстардан кекілік көп, ал өзендерінде көкбас пен қаяз балықтары кездеседі. Қорықшада сирек кездесетін, Қазақстанның «Қызыл кітабына» енгізілген бүркіт, жұртшы, қара дегелек, Тянь-Шань қоңыр аюы, үнді жайрасы, әсіресе, Мензбир суыры қорғалады.[1]
2006 жылы Сайрам-Өгем ұлттық паркінің құрамына кірді.
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5