Йозеф Блаттер

Иозеф Блаттер — ФИФА ұйымының сегізінші (1998-2015) Президенті.

Йозеф (Зепп) Блаттер
Дүниеге келгені:	наурыз 10, 1936 (1936-03-10) Висп, Вале, Швейцария
Мансабы:	ФИФА Президенті
Жұбайы:	Грациелла Бьянка (2002-2004)
Балалары	Коррин Блаттер

Өмірбаяны

1936 жылдың 10 наурызында дүниеге келген. Бір қызы бар, әйелінен ажырасқан. 1956 жылы Лозанна университетінің құқық факультетін бітірді. Швейцария спорт журналистерінің қауымдастығына мүшелікке кірген. 1948-1971 жылдары Швейцария әуесқой футбол клубында ойнаған. 1962 жылы туристік фирмада жұмыс бастаған. 1964 жылы Швейцария хоккей қауымдастығының бас хатшысы болып тағайындалды. 1972 жылы Мюнхендегі Олимпиадада ұйымдастырушылар қатарында болған. 1975 жылы ФИФА-ның техникалық директоры болды.

Иозеф Блаттер

1981 жылы ұйымның бас хатшысы болған. 1998 ФИФА президентін сайлауында УЕФА президенті Леннарт Юханссонды жеңді. 1999 жылы Халықаралық олимпиада комитетіне кірген.

2001 жылы Блаттер көптеген жемқорлық дауларының ортасында болды. Ол Қазақстанның ІІ деңгейлі "Достық" орденінің иегері.