Кавказдық нәсіл

Кавказдық нәсіл, кавказ нәсілі – Кавказ өңіріне кең тараған нәсілдердің бірі. Кавказдық нәсіл кавказдық және үнді-жерортатеңіздік болып екіге бөлінеді. Жалпы Кавказ тұрғындары антропол. жүйелену бойынша төртке бөлінеді. Олар: понтий, каспий, понтезаграссы, кавказ топтары. Алдыңғы екі топ жерортатеңіздік нәсілге жатады, ал соңғы екі топ памир-альпілік нәсілді құрайды. Грузин антропологтары кешенді зерттеу нәтижесі бойынша, кавказдық нәсілдің кавкашин нәсілі деген тобы да бар. Бұл нәсілдің негізгі өкілдері болып грузиндер, свандар, осетиндер, шешендер, ингуштар, қарашайлар, балқарлар саналады. Олардың бойлары шамамен 168 – 170 см, беттері біраз жалпақтау, көзінің түсі ашықтау келіп, сақал-мұрттары (ерлер тобында) қалың болады.

СілтемелерӨңдеу

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том