Калифорния кондорасы — жыртқыш ірі құс. Сирек кездеседі. Қанатын жазғанда 3 м – ге дейін жетеді. Калифорнияда, теңіз жағалауына жақын жерлерде, тауларда жүреді. Ашық жерлерге жем табу үшін ұшып келеді. Жаңа тасталған өлекселерді қысқа әрі өте күшті тұмсығымен боршалап бөліп жейді. Жұптасқан кондорлар ұяларын үңгірлерге салады. Ұрғашысы бір – бірден жұмыртқа табады, екі жұмыртқа салатын кездері өте сирек, екі жылда бір рет болуы мүмкін. Оны біржарым айдай басып жатады. Балапандар да өте баяу өседі. Ата – аналары оларды 7 ай асырайды, сонша уақыт тағы да балаларын бақылап жүреді. Кондорлар тек 6 жылдан кейін ғана ұрпақ қалдыруға жарайды.
[1]
- ↑ Жануарлар әлемінің үлкен атласы, “Алматыкітап” баспасы. 2000 жыл
