Канцеляризм

КАНЦЕЛЯРИЗМ (кеңсе тілі) – ресми іс-қағаздары стилінің іскерлік (кеңселік) құжаттарында тұрақты шаблон ретінде қолданылатын сөз, сөз тіркесі, грамматикалық формалар мен құрылымдар. Канцеляризм іскери қағаздарға өте қажет, өйткені іскерлік басқару жұмыстарында қайталанбалы жағдаяттар жиі болады, ол ресми-іскерлік ақпаратты тұрақты түрде беруді талап етеді. Канцеляризм ерекше стилистикалық мақсаттарсыз ресми-іскери стилден тысқары қолдану әдеби норманы бұзу болып табылады.

КАНЦЕЛЯРИТ – ресми материалдардағы, газеттегі, радио мен телеарналардағы кеңселік тілдің күнделікті ауызекі сөйлеу тіліне, одан әдеби тілге, тіпті бала тіліне де еніп кетуі, ресми сөйлеудің кеңселік-бюрократтық стилі. Ол мәдениетке зарарын тигізетін, тілдің бүлінуіне әкелетін қауіп ретінде бағаланады. Терминді Корне́й Ива́нович Чуко́вский (1966) енгізген.