Капп бүлігі

Капп бүлігі - Германиядағы сәтсіз контррев. төңкеріліс (1920, наурыз). Ірі помещик В. Капп басқарған манархистер мен милитаристер ұйымдастырылды. Бүлікшілер с.-д. басқарған үкіметті құлатып, ноябрь революциясының жетістігін жойып, ашық әскери диктатура орнатпақшы болды. Өкімет бүлікшілерге тойтарыс бере алмай, Штутгартқа қашып кетті. 13 наурыз бүлікші монархистер Берлинді алып, өзінің Капп басқарған өкіметін құрды. к. б. - не коммунистердің үндеуімен неміс жұмысшылары бүкіл елді қамтыған 12 млн. адам қатысқан жаппай ереуілмен жауап берді. Жұмысшылардың мен шаруалардың, қалалықтардың орташа тобының ұйымшылдықпен жүргізген қуатты қимылының нәтижесінде бүлік талқандалды. 17 наурызда Капп Швецияға қашты. Өкімет басына қайтадан оралған с. - д. жетекшілері бүлікшілерді жауапқа тартпады, қайта оларға сүйеніп рев. қозғалысты жаныштады.

Дереккөздер

Қазақ Совет Энциклопедиясы, Алматы, 1974ж., 5 том, 253 бет.