Карбозов Ермек Дүйсембайұлы

Карбозов Ермек Дүйсембайұлы — 1958 жылы 13 қыркүйекте Алматы облысы Қаскелең қаласында туған.

• 1965-1975 жылдары Алматы қаласындағы №75 орта мектепте оқыған.
• 1975 жылдан бастап Алматы қаласындағы Кітап фабрикасының кесу машина бөліміне үйренуші болып жұмысқа орналасады. Жұмыс атқара жүріп, Мәскеудің полиграфия институтының технология факультетін сырттай оқиды.
• 1976-1978 жылдар Кеңес әскері қатарында азаматтық міндетін өтейді. Әскерден оралғаннан кейін Мәскеу полиграфия институтының күндізгі бөліміне ауысып оқуын жалғастырады.
• 1983 жылы Мәскеу полиграфия институтын полиграфия өндірісінің технологиясы мамандығы бойынша бітіреді.
• 1983-1993 жылдар аралығында Алматыдағы кітап фабрикасының «Кітап» өндірістік бірлестігінде, алдымен түптеу цехының технологі,одан офсеттік цехтың шебері, одан қағаз әзірлеу цехының бастығы, біраздан соң офсеттік цехтың бастығы, баспа цехының бастығы, теру цехының бастығы сияқты қызметтердің бірінен соң бірін атқарып, мол тәжірибе жинақтайды.
• 1993 жылы Қазақстан Республикасы халық банкінің қарамағындағы өндірістік кәсіпорындар дирекциясына қызметке ауысады. Алдымен құнды қағаздар цехының бастығы болып, тиын дизайндерін дайындау, басу жұмыстарына ат салысады.
• 1994-2003 жылдар аралығында Банкнот фабрикасында қызмет істейді. Қазақстан Республикасының Ұлттық Валюталарының барлық дизайндерін дайындау, басып шығару сияқты жауапты жұмыстарына тікелей еңбек сіңіреді. Банкнот цехының бастығы болады. Бірте-бірте Банкнот фабрикасының бас технологы, бас инженері болады.
• 2005 жылдан Банкнот фабрикасының банкнот цехының бастығы болып қызмет істейді.