Карелин ринопеталюм

Шөлейтті дала және шөлдерге қоса оңтүстік тау етектеріне тән ерте гүлдейтін өсімдік. Құрғақ құмды топырқты қалайды. Қазақстанның солтүстік облысынан басқа барлық облыстарында кездеседі. Бұл көпжылдық шөптесін өсімдіктің биіктігі 15 сантиметрге дейін, сұрғылт сабақты, ақ шар тәрізді, пиязшықты. Төменгі екі жапырағы созыңқы, қарама-қарсы орналасқан деуге де болады. Жоғарғылары кезектесе орналасады, жіңішкелеу, қосарланған гүлжапыраққа ауысады. Гүлдердің орташа көлемі (биіктігі 1,5 см-ге дейін) үлкен қоңырау тәрізді, бас жағында шашақ тәрізді гүл шоғырын құрайды. Гүлдерінің түсі бозғылт күлгіннен - сия күлгінге дейін, әрбір гүл серігінің жапырақшасының түбінде шірнелік шұңқыры болады. Ринопиталюм өте ерте гүлдейді - наурыздың аяғынан мамырдың басына дейін. Жемісі дөңгелек, қырлы. Қауашақтары 2 см-ге дейін. Гүлшоғырының тек төменгі бөлігінде жетіледі, бас жағындағы гүлдері дара жынысты, аталық гүлдер. Бұл түр омарташылық қасиетімен және бал араларының азығы ретінде қызығушылық тудырады, сондай-ақ сәндік үшін құрғақ аудандарда өсіруге қиындық келтірмейтін өсімдік.

Дереккөздер

"Қазақстанның өсімдіктер әлемі" энциклопедиясы