Кеме құрты

Кеме құрты (лат. Teredinidae) — қос жақтаулы моллюскілердің бір тұқымдасы. Пішіні құрт тәрізді. 70-ке жуық түрі белгілі және олар негізінде екі туысқа (Teredo, Bankia) бөлінеді. Кеме құрты кеме тоқтайтын жердегі бөрене, ағаштан жасалған кемелердің су асты бөлігінде, теңіз өсімдіктерінің тамыр сабағында, ал тропикте мангр ағаштарында. суға батқан кокос жаңғағында тіршілік етеді. Кеме құртының мекендеген жерінде ағашты тесіп зиян келтіреді.

Кеме құрты
Ғылыми топтастыруы
Дүниесі: Жануарлар Жамағаты: Моллюскалар Тұқымдасы: Teredinidae Rafinesque, 1815

Түрлері мен таралу жерлері

КСРО теңіздерінде кеме құрттың бірнеше түрі кездеседі. Балтық және Қара теңізде Teredo navails (ұзындығы 25 см-дей), Баренц теңізінде Nototeredo norvagica (ұзындығы 50 см-дей) және Teredinidae megotara бар. Жапон теңізінің КСРО жиегінде кеме құрттың ірі түрі Bankia setacea (ұзындығы 60 см-дей) және бірнеше ұсақ түрлері тірішілік етеді. Кеме құртына қарсы кеме тоқтайтын жердегі су астындағы құрылыстарды арнайы бояумен бояйды, ағашқа моллюскілерді уландыратын дәрілер креозот, тас көмір лагы, карбол қышқылы сіңіріледі.

Ағаштан жасалған кемелерді 3-4 күнге тұщы суға шығару да көптен бері қолданылып келе жатқан тәсілдің бірі, өйткені бұл кезде кеме түбіне жабысқан кеме құртының личинкалары түсіп қалады. Бұнымен қатар кемені 5-30 күн кептіру әдісі де кездеседі.