Кенесары, 36
Кенесары, 36 — Астана қаласындағы ғимарат.
.jpg) | |
| Бұрынғы атауы |
Астана қаласы әкімдігі; |
|---|---|
| Жалпы мәлімет | |
| Мекен жайы |
Кенесары, 36 |
| Орналасқан қала | |
| Мемлекет | |
| Құрылысы басталды |
1999[1] |
| Құрылысы аяқталды |
2005 жыл |
| Техникалық сипаттамасы | |
| Қабаттар саны |
15 |
| Картада орналасуы | |
|
| |
Координаттар: 51°09′52″ с. е. 71°25′28″ ш. б. / 51.164567° с. е. 71.424401° ш. б. (G) (O) (Я)
Ғимарат тарихы өңдеу
Ғимарат-шетел және отандық сәулетшілердің ортақ шығармашылық табысы.Кувейтте өткен,әлемнің белді де беделді талай құрылыс алпауыттары қатысқан халықаралық байқауда"В.Л."жауапкершілігі шектеулі серіктестігі мен"Pan Arub Concalting Engineers"компаниясы ұсынған жоба уздік деп танылды.Жоба бойынша басталған құрылыс 2005 жылы аяқталып,Астана қаласы әкімдігінің үйі деген шаңырақ көтерді.Ғимарат бұрынғы Үкімет алаңы мен Конгресс-холл сарайының ансамблін жаңа мазмұнда толықтырып,байырғы қаланың орталық бөлігін көркейте түсті.Осы төңіректегі биік үйлердің бірі,15 қабаттан тұрады.
Өзінің сыртқы және ішкі пішінімен ерекшеленеді. Бірде жұмыр күмбезге,бірде зыр айналған ұршыққа,енді бірде дөңгеленген дүниеге ұқсайтын шығыс мәнерлі мұнара имандылық белгісіндей ұйытады да құрылыстың қоңыржай реңі арқылы салиқалылық пен сабырға ұласады.Осы сындарлылық ғимараттың негізгі болмысын анықтайды,билік нышаны екенін ұқтырады.Ауқымдылық және декоративтік байсалды нақыштар,тік призма үлгісіне сай табылған әрлендіру материалдары,алтын өңді шыны жапсырмалар өзара жарасымдылықпен әсем астасып жатыр.Сәулет өнерінде құрылысты безендіру қай кезеңде де нәзік талғамды талап еткен.Бұл ретте архитектор талантты қыл қалам шеберіндей толғануы керек.Суретші ойын бояулар арқылы тарқатса,сәулетші өзі таңдап алған құрылыс заттары арқылы сырласады.Бар мәселе осы таңдаудың дұрыстығында.Ал безендіру-әрлеу үшін жасыл және ашық қоңыр түсті кермогранит,алтын мен қола реңдес әйнектер таңдалып алынған.Олар күн сәулесінде ажарлана құбылады,үш қырлы призманың бойымен ақша бұлттар көшіп бара жатады.Құрылысты Кувейт қоры қаржыландырған.Осы қордың өтінішімен Эль-Кувейт қаласының ислам мәдениетін айғақтайтын белгісі-ықшам мұнара ғимараттың ансамбліне қоса өрілді.Әлемдік архитектураның еуропалық дәстүрлері негізге алынған құрылысқа ислам айшығы осылай үйлестірілді.Бұл,екінші жағынан Астана дәстүрлі өркениетті мәдениеттерді жатсынбайтындығын аңғартқандай.
Ал құрылысқа бөлінген жер айтарлықтай ауқымды емес,үш көшенің қиылысында.Батыс қапталында Конгресс-холл сарайының жасыл алаңы тиіп тұр.Бұл белгіленген кеңістікті барынша тиімді пайдалануды қажет етті,жобалаушылар 15 қабатты биік ғимараттың өлшеулі жерде қысылып-қымтырылмай еркін тұруына айрықша назар аударды.Төменгі,яғни алғашқы қабат әуелден ойластырылғандай транзитті маңыз атқарып тұр,ол қала әкімдігі қызметінің орталығы болып саналады.Онда 300 орындық мәжіліс залы және түрлі көрмелер мен тұсаукесер рәсімдерін өткізуге қолайлы әмбебап зал орналасқан.Қабаттың ортасындағы атриум кеңістігі ғимаратты барынша кеңейтіп тұр.Сол кеңістік арқылы құрылыстың салмағы сезілмейді,жеңілдік пен ыңғайлылық аңғарылады.Архитекторлар осылайша кеңес кезіндегі кеңсе үйлерінің бәріне тән болып келген түнеріңкілік пен зілділіктен арыла алған.Екінші жағынан,олар қазіргі заманғы қызмет ғимараттарының да,қалауын тапса,айшықты да сәулетті бола алатынын дәлелдеп берді.Тың шешімдер жұмыс қабаттарында да жоқ емес,бұл жерден ұзын,күңгірт дәліздерді көре алмайсыз,олардың орнына орталық кеңістіктер жасалған.Бөлмелер саны әр қабаттағы қызмет саласына есептеліп қойылған,ыңғайлы да ықшам.Қала әкімінің қызмет орны ең жоғарғы он бесінші қабатта.Мұнда жедел кеңестер өткізуге арналған шағын залдар бар.Ал қабылдау бөлмесі лифтіден түскен бетте басталады,бұл шаһар басшылығының жұртқа ашықтығын білдіргендей әсер береді.Ас та төк салтанаттың ізі де жоқ,бәрі қарапайым әрі сындарлы,еркіндік пен кеңдік басым.Барлық қабатта қаланы биіктен тамашалауға мүмкіндік туғызатын шыға берістер бар.Ғимараттың маңдай тұсы жағынан байырғы қаланы,ал теріскей тұсынан Есіл мен жаңа орталықты алақанға салғандай көресің.Қала әкімдігінің осы жаңа кеңсесі-"В.Л."жауапкершілігі шектеулі серіктестігі Астанада жүзеге асырған үшінші ірі жоба.Алғашқысы министрлік үйі болса,екіншісі-"Қазақстан" спорт сарайы.Бұлардың әрқайсысы өз алдына бөлек шығармашылық шешімдер.Ортақ қасиеті-ел Президентінің Астана құрылысына қойған талаптарына жауап бере алатындығы.Ол талаптар-жоғарғы сапа,даралық,көркемдік.Ғимарат жобасының шығармашылық тобы бес адамнан тұрады:архитекторлары-В.Лаптев,В.Гладких,Е.Журавлева,инженері-В.Поздняков,конструкторлары-М.Ванштейн,Н.Французова.[2]
Дереккөздер өңдеу
- ↑ Казахстан-Кувейт: 28 лет совместного созидания — «Білімді ел», 06.03.2021.
- ↑ Елорда сәулеті.Құрастырғандар:Алдан Смайыл,Аманжол Чиканаев,Артур Мельников.-Астана:Фолиант,2007.