Кенесары портреті
Кенесары портреті — Әбілхан Қастеевтің кенепте майлы бояумен салған алғашқы суреттерінің бірі.
Бұл туындыда мемлекет қайраткері, әскери қолбасшы, қазақ халқының 1837–1847 жылдардағы ұлт-азаттық қозғалысының көсемі, Қазақ хандығының соңғы ханы Кенесары Қасымұлының (1802–1847) бейнесі суреттелген. Кенесары ханның үстіндегі шапаны мен қалпағының ұлттық нақыштағы ою-өрнектер портреттегі табиғат көрінісімен әсем үйлесім табады. Бірнеше планда құрылған бұл портреттің артқы планындағы кеңес беруші уәзірлер бейнесі, ақ орданың бір қырының көрінісі, салт аттылар бейнесі Кенесары ханның саясаткер, әрі қолбасшы болғандығының айқын дәлелі болмақ. Портрет Шығыс миниатюрасына сай, декоративті болып келеді.[1]
Қастеев осы суретті 1936 жылы жаңа құрылған Қазақ кескіндемелік галереяға сыйға тартты, бірақ портретті тек 1992 жылдан бастап көрмелерде көрсете бастады.[2]
Дереккөздер өңдеу
- ↑ Әбілхан Қастеевтің бейнелеу өнеріндегі ерекшелігі — «Өнер порталы», 14.07.2017.
- ↑ Абылхан Кастеев. Портрет Кенесары. 1935. Холст, масло. 71х55