Керіш бұғазындағы мазут төгілуі (2024)
Керіш бұғазындағы мазут төгілуі — 2024 жылы 15 желтоқсанда болған экологиялық апат. Оған Ресейдің екі танкері («Волгонефть-212» және «Волгонефть-239») корпустарының дауыл салдарынан жарылуы себеп болды. Апат салдарынан бір адам қаза тауып, мазут теңізге төгілді. Мазуттан пайда болған дақ жағалауға дейін жетіп, шамамен 35 км аумаққа — Темрюк ауданының Веселовка ауылынан Анапаның маңындағы Благовещенская станицасына дейін жайылды. Кейіннен ластанған жағажайлардың ұзындығы 50 км-ге дейін ұлғайғаны анықталды.[1]
| Керіш бұғазындағы мазут төгілуі | |
| Дата | 15 желтоқсан 2024 жылы |
|---|---|
| Орны | Керіш бұғазы, Қара теңіз |
| Координаты | 45°04′18″ с. е. 36°35′53″ ш. б. / 45.07167° с. е. 36.59806° ш. б. (G) (O) (Я) |
| Түрі | Мазут төгілуі |
| Шығын | |
| Өлім | 1 |
өңдеу  |
|
Теңізге кем дегенде 3000 тонна мазут төгілген. Мазут төгілген орынға жақын маңда Опук қорығы мен «Такиль мүйісі» ландшафттық-рекреациялық паркі орналасқан. Экологтардың бағалауы бойынша, бұл ластанудың салдарынан шамамен 30 мың су құсы қырылуы мүмкін, сондай-ақ дельфиндерге де қауіп төнуде.[2]
Кемелер апаты
өңдеу2024 жылғы 15 желтоқсанда Керіш бұғазындағы оқиғалар туралы дабыл таңғы сағат 9-да келіп түсті.[3] Қатты толқындар салдарынан «Волгонефть-212» танкерінің корпусы ортасынан бөлінді. Сағат 10:20-да «Волгонефть-239» танкері де осындай зақым алып, Панагия мүйісінің маңында қайырлап қалды. Құтқарушылар «Волгонефть-212» экипажының 13 мүшесінің 12-сін эвакуациялады, бірақ бір адам қаза тапты. Экипаждың 11 мүшесі гипотермиямен ауруханаға жеткізілді. Ал «Волгонефть-239» танкерінің бортына орналасқан 14 адам аман қалды, ешкім зардап шеккен жоқ.[4][5]
Әр танкер 4 мың тоннадан астам мазутты тасымалдап бара жатқан болатын, апат салдарынан мазут төгілді.[2]
Салдары
өңдеу2024 жылғы 17 желтоқсанда таңертең Краснодар өлкесіндегі жағажайларда мазут пайда бола бастады. Жергілікті Telegram арналарында мазутқа боялған теңіз құстарының видеолары жарияланды. Краснодар өлкесінің губернаторы Вениамин Кондратьев төтенше жағдайларға арналған жедел штабтар құрып, олардың жұмысына муниципалитет басшыларын басшылыққа қойды. 17 желтоқсанға қарай мазут төгілуінің салдарын жоюға 433 адам мен 65 техника жұмылдырылды.[2]
18 желтоқсанда жағажайларды тазартуға 4 мың ерікті қосылды. Витязево ауылында құстарды құтқару пункті ашылды, мұнда мазутқа боялған құстарды тазартумен ветеринарлар мен еріктілер айналысты.[6][7] 18 желтоқсанда Анапада еріктілер жағалаудан мазут салдарынан қырылған жас дельфин аналығын тапты.[8] Жергілікті тұрғындар мен еріктілер жағалауда жиналған мазут салынған қаптарды шығару қиындықтарына, қорғаныс құралдарының жетіспеушілігіне шағымдануда. Сондай-ақ, жергілікті биліктің жағдай бақылауда деген мәлімдемелері тұрғындар мен еріктілер түсірген нақты видеолармен сәйкес келмей отыр. Осыған байланысты адамдар федералды деңгейде көмек көрсетуді талап етіп, петицияға қол жинауда.
Техникалық жағдай
өңдеуКеріш бұғазында апатқа ұшыраған танкерлердің пайдалану мерзімі конструкциялық нормалардан асып кеткен. Мұндай типтегі кемелер үшін қызмет ету мерзімі 25 жылмен шектелген. «Волгонефть-212» танкері 1969 жылы жасалған. Соңғы иесі – «Кама Шиппинг» компаниясы. Танкерді 2014 жылдан бастап пайдаланған. «Волгонефть-239» танкері 1973 жылы жасалған. Иесі – «Волгатранснефть» компаниясы. Танкер 2010 жылдан бері осы компанияның иелігінде болған. «Волгонефть» танкерлері аралас жүзу типіне жатады және тек өзендерде, су қоймаларында немесе теңіз жағалауына жақын аймақтарда (жағалаудан 50 мильден аспайтын, ал қауіпсіз орындар арасындағы қашықтық 100 мильден аспайтын жағдайда) пайдалану үшін арналған.[9]
Ресейдің Қырым Республикасы мен Севастополь қаласы бойынша Тергеу комитетінің Бас басқармасы екі танкердің капитандарына қарсы қылмыстық іс қозғады. Олар теңіз көлігін пайдалану және қозғалыс қауіпсіздігі ережелерін бұзды деп айыпталуда. Бұл ережелерді бұзу бір адамның қаза болуына әкелді.а[10] 2024 жылғы 19 желтоқсанда Симферопольдің Киев аудандық соты «Волгонефть-212» танкерінің капитаны Леонид Волеговқа қатысты бұлтартпау шарасы ретінде қамауға алу туралы шешім шығарды. «Волгонефть-239» танкерінің капитаны да қамауға алынды.
Реакция
өңдеу2024 жылғы 23 желтоқсанда Ресейдің «Яблоко» саяси партиясының төрағасы Николай Рыбаков Ресей Федерациясының Президентіне жедел жағдай режимін енгізу туралы өтініш жолдады. Бұл өтініш Кершін бұғазында болған апатқа байланысты қабылданған.[11]
Дереккөздер
өңдеу- ↑ Пляж "Динамо" в Анапе оказался одним из самых сложных участков для очистки от мазута (20 December 2024).
- ↑ a b c Экология пошла пятнами (17 December 2024).
- ↑ Спасатели установили связь с экипажем второго севшего на мель танкера (15 December 2024).
- ↑ МЧС приостановило эвакуацию экипажа севшего на мель близ Тамани танкера (15 December 2024).
- ↑ Суд арестовал капитана потерпевшего крушение танкера «Волгонефть-212» (19 December 2024).
- ↑ Мазута все больше, птицам грозит гибель — для них открыли пункт спасения. Что известно о катастрофе в Черном море (18 December 2024).
- ↑ Под угрозой лебеди, птицы-поганки и роддом для дельфинов. Жители Анапы борются с мазутом (20 December 2024).
- ↑ Мертвого дельфина обнаружили волонтеры после разлива мазута в Анапе (18 December 2024).
- ↑ Штормовое предубеждение: что могло привести к трагедии в Керченском проливе (17 December 2024).
- ↑ Пермскому капитану затонувшего танкера предъявлено обвинение (19 December 2024).
- ↑ «Яблоко» требует от Владимира Путина ввести режим ЧС федерального уровня из-за катастрофы в Краснодарском крае (орыс.).