Кеңесбаев атындағы көше (Алматы)

Кеңесбаев атындағы көше. Көшеге көрнекті ғалым, тілші, ұстаз, филология ғылымдарының докторы, профессор, Қазақ КСР Ғылым академиясының академигі, Қазақстанның еңбек сіңірген ғылым қайраткері - Ісмет Кеңесбаевтың есімі (Алматы қаласы мәслихатының 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Ісмет Кеңесбаев (1907-1995) Түркістан облысы Созақ ауданы Жанысата ауылында дүниеге келген. Ол-қазақ тіл білімінің фонетика және лексикология саласының дамуына үлкен үлес қосқан ғалым. Ғылыми еңбектері: "Қазақ тілінің фразеологиясы", «Қазақ тілінің түсіндірме сөздігі» және «Қазақ тілінің орфографиялық сөздігі», «Орысша-қазақша сөздік».

Көше Әуезов ауданының «Қалқаман-2» шағынауданында орналасқан. Кешенін ұзындығы - 1250 метр.