Ким Дин (9.2.1913, Ресей, Приморье өлкесі Ольгино ауданы – 28.9.1966, Алматы) – актер, Қазақстанның халық артисі (1962; 1952 жылдан Қазақстанның еңб. сің, арт.). 1932 жылдан өмірінің соңына дейін Алматыдағы Респ. корей музыкалы комедия театрында (қазіргі Респ. корей музыкалы комедия театры) қызмет етті. Алғашқы елеулі рөлі – Ли Ден Ним мен Ен Сен Неннің “Чун Хян деген қыз туралы аңыз” спектакліндегі До Рен. Көпқырлы актер Тян Мен Хи (Тхай Дян Чуннің “Оңтүстікке қарай 38-параллелінде”), Сен Фир, Эк Се (Цай Еннің “Қуанышты өмірі” мен “Ариранында”), Староста (Сон Еннің “Патриотында”), Тасбақа (Н.Б.Нидің “Қоян жайлы аңызында”), т.б. әралуан рөлдерді ойнады. Қарт Ен Хва, Ли Мон Нен оның ең таңдаулы рөлдері болып табылады. Актер өнері табиғилығымен, өмірлік шынайылығымен ерекшеленді. Сондай-ақ, Қарабай (Ғ.Мүсіреповтің “Қозы Көрпеш-Баян сұлуында”), Абыз (М.Әуезовтің “Еңлік-Кебегінде”), Дуанбасы (Н.В. Гогольдің “Ревизорында”), Отелло (У.Шекспирдің осы аттас трагедиясында), Миллер (Ф.Шиллердің “Зұлымдық пен махаббатында”), т.б. рөлдер Кимнің шығармашылық жетістігі саналады.[1]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8