Ким Кардашян

Ким Кардашян (ағылш. Kim Kardashian; 21 қазан 1980, Лос Анжелес) — американдық сәнқой, қоғам қайраткері және миллиардер.

Ким Кардашян
ағылш. Kim Kardashian
Толық есімі	ағылш. Kimberly Noel Kardashian
Туған күні	21 қазан 1980 (1980-10-21) (44 жас)
Туған жері	Лос Анжелес, Калифорния, АҚШ
Азаматтығы	АҚШ
Білімі	Marymount High School
Әкесі	Роберт Кардашян
Анасы	Крис Дженнер
Жұбайы	1. Дэймон Томас (үйл. 2000—2004 ажыр.) 2. Крис Хамфрис (үйл. 2011—2013 ажыр.) 3. Канье Уэст (үйл. 2014—2021 ажыр.)
Балалары	1-некеден қыздары Норт (2013 ж.т.), Чикаго (2018 ж.т.), ұлдары Сейнт (2015 ж.т.) пен Псалом (2019 ж.т.) Уэсттер
Отбасы	Кардашян отбасы
Марапаттары мен сыйлықтары	Екінші рөлдегі ең нашар актриса үшін “Алтын таңқурай” сыйлығы
Қолтаңбасы
Сайты	skknbykim
Блогы	ютубта инстаграмда
Ортаққордағы Ким Кардашян

Өмірбаяны

1980 жылы 21 қазанда Лос Анжелесте армениялық Роберт Кардашян мен шотландтық және голландиялық Крис Дженнердің отбасында дүниеге келді.

Лос Анжелестетегі барлық қыздарға арналған Рим-католиктік мектебі болып табылатын Marymount орта мектебінде оқыды. 1994 жылы әкесі Роберт Кардашян Кимге кіндік әке болып келетін футболшы О. Дж. Симпсонның сот процесіне қатысты. Жасөспірім кезінде Никол Ричи мен Пэрис Хилтонның жақын дос болып, солар арқыды алғаш рет БАҚ назарына түсті. 16 жасында өз көлігін бөлшекке бөліп тастап, оған әкесі жаңа көлік сатып алып беруге жаңа көліктің шығындарын өзі өтейтінін айтқаннан кейін барып келісті. Сөйтіп, Ким Калифорниядағы Энсино қаласындағы киім дүкенінде алғаш жұмысын бастады.

Мансабы

2003–2006

2003 жылы Ray J-дің қарындасы әнші әрі актриса R&B Брэндидің стилисті болып жұмыс істеді. 2004 жылы R&B Брэнди мен Ray J-дің анасы Соня Норвуд Кардашянға өзінің American Express картасымен бір ғана төлем жасауға рұқсат етті. Нәтижесінде, Кардашян мен оның тәтелері $ 120 000-ға жуық төлем жасап, Кардашянды жұмыстан шығарып жіберді. Соня Норвуд Кардашян ағайындылардың үстінен қызының өтініші бойынша қылмыстық із қозғамады, бірақ Кардашян ағайындыларға айып тақты. Бұдан кейін Кардашян Соня Норвудтан кешіріи сұрап, қарызды жабатынын уәде етті. Алайда қарыз сол күйі жабылмады. 2008 жылы Норвуд Кардашянды сотқа берді, бірақ Кардашян барлық кінәні мойындамады. 2009 жылы екі жақ бейбіт шешімге келді.

2006 жылы Кардашян өзінің жан досы Пэрис Хилтонның стилисті болды. Ол досымен бірге The Simple Life шоуына түсіп, кештер мен мерекелерде суретке бірге түсті.

2007–2010

2007 жылы ақпанда Кардашянның Ray J-мен жыныстық қатынасқа түскен 2003 жылғы видеосы ғаламторға тарап кетіп, бүкіл елдің көңілін аудартты. Кардашян “Vivid Entertainment” студиясын “Ким Кардашян, жұлдыз” атты есептік жазбамен видеоны таратып жібергені үшін сотқа берді. 3 айдан кейін ол арызды қайтып алып, “Vivid” студиясына видеоның көшірмесін салуға рұқсат беріп, $ 5 млн келісті. БАҚ-тың көбісі Кардашян мен оның отбасын алда жарық көретін шоуды жарнамалау мақсатында жыныстық қатынасқа түскен видеоны салғаны үшін сынға алды.

2007 жылы қазанда Keeping Up with the Kardashians отбасылық хикасына Кардашян отбасы түсті.

Playboy журналының 2007 жылғы басылымында Кардашян жалаңаш денемен суретке түсті.