Кирилл Прокофьевич Орловский

Кирилл Прокофьевич Орловский (30.01.1895, Могилев облысы, Беларусь - 13.01.1968, Могилев облысы) - колхоз өндірісін және Беларусьда партизан қозғалысын ұйымдастырушылардың бірі. Кеңес Одағының Батыры, Социалистік Еңбек Ері.

Кирилл Прокофьевич Орловский
Туған күні	30 қаңтар 1895 (1895-01-30)
Туған жері	Могилев облысы, Киров ауданы
Қайтыс болған күні	13 қаңтар 1968 (1968-01-13) (72 жас)
Қайтыс болған жері	Могилев облысы, Киров ауданы
Азаматтығы	КСРО
Ұлты	Беларусь
Марапаттары мен сыйлықтары	5 рет Ленин орденімен, басқа 1 орденмен және медальдармен марапатталды.

Қызмет жолы

1908-1915 ж. ауыл шаруашылығының түрлі саласында қызмет істеді, 1917 жылдан Қызыл Армия қатарында болды. 1918-1925 ж. Батыс Беларусь және Польшадағы қызыл партизандар отрядына басшылық етті. 1930 ж. Комвузды бітірді, Испания республикасы үшін соғысқа қатысты. 1939-1942 ж. Чкалов ауыл шаруашылық институтында директордың көмекшісі болды, 1942-1943 ж. "Сокол" партизиан отрядының командирі болды. 1943-1944 ж. Беларусь Сыртқы істер комиссариятында қызметте жасады, 1945 жылдан Могилев облысы, Киров ауданындағы "Рассвет" колхозының төрағасы болды. Бұл колхоз КСРО егіншілігі мен мал шаруашылығы қатар дамыған көп салалы, ең ірі өндіріске айналған шаруашылықтардың бірі болды.

Кирилл 3-7 сайланған КСРО Жоғарғы Кеңесінің депутаты. КОКП 20, 23 съездерінде Беларусь КП-нің 19-22, 24-26 съездерінде Беларусь КП ОК мүшесі болып сайланды. 5 рет Ленин орденімен, басқа 1 орденмен және медальдармен марапатталды.