Климаттық оңтайлылық

Климаттық оңтайлылық- төрттік (антропогендік) дәуірдің мұздықаралық кезеңінде және мұз басу уақытындағы климаттың жылынуы.

Палеогеографиялық зерттеулерге сәйкес кейінгі Климаттық оңтайлылық (б.з.д. 5000-2500 жыл) Жер шарының көп бөлігінде қазіргімен салыстырғанда ауа температурасының едәуір жоғары (Арктикада бірнеше градусқа, қоңыржай ендіктерде 1—1,5°С-қа) болуымен ерекшеленді. Бұл кезде мұздық жамылғылары тез еріп, мұздықтар шегініп, мұхит деңгейлері көтерілді.