Таным психологиясы

Таным психологиясы (Кейде Когнитивті психология, ағылш. Cognitive psychology) – қазіргі психологиядағы адамның танымдық әрекеттерін зерттейтін жетекші бағыттардың бірі. Әуел баста Таным психологиясының басты міндеті - сенсорлық ақпараттың стимулдың рецепторлық бетке түскен сәтінен жауап алынғанға дейінгі өзгермелерін зерттеу болды. Таным психологиясы бихевиоризм мен психоанализді интеллектуалистік немесе менталистік позициялардан сынайтын барлық бағыттарды қамтиды. Таным психологиясы – білімдер негізінде адамның қимылы мен қылықтарын түсіндіретін және сол білімдердің үрдістері мен қалыптасу динамикасын зерттейтін психологиядағы зерттеу бағыттарының бірі.