Колповский қызғалдағы

Биіктігі 15 – 35 см, пиязшығы жұмыртқа тәрізді, жуандығы 1,5 – 2 см, қара қоңыр, терілі, ішкі жағынан ұшы жатаған қалың түкті қабықты. Сабағы жалаңаш; жапырақ саны – 3 – 5, шамалы алшақ орналасқан , кірпікшелі, әдетте гүлден биік, төменгі таспа тәрізді, ені 1 – 3 см. Гүлі біреу; гүл шанағында бүтілген, гүл серігі сары, ұзындығы 2,5 – 6 см, сүйір, сыртқыларының жотасы көбіне күлгін реңді, кері сопақша, ішкілері кері сопақша тәрізді; аталықтары гүл серігінен 2 – 3 есе қысқа, тозаңдықтары сары, жіпшелерімен тең; түйіні аталықтардан шамалы қысқа, аналық ауызы орнықты дерлік. Сәуір мамыр айларында гүлдейді.

Қазақстанда таралуы

Далалы жерлерде және сары топырақты тау етегінде өседі. Жоңғар Алатауы, Іле, Күнгей Алатауы, Шу-Іле таулыры, Қырғыз жотасының солтүстік аласа таулары мен етегін бойлай, одан әрі Қаратаудың шығыс тау етегіне дейін кездеседі. Кейде Островский қызғалдағымен бірге кездеседі, онымен оңый будандастырып, ерекше түс формаларын береді, мысалы оны Қордай асуы ауданынан көруге болады.

Дереккөздер

Қазақстан қызғалдақтары