Командалық пункт

Командалық пункт (Командный пункт) — 1) ұрыста берілген әскери тапсырмаларды барынша сәтті орындау мақсатында қарамағындағы бөлімдер мен бөлімшелерге басшылық жасауды жүзеге асыратын, әскерді басқарудың негізгі пункті. Командалық пункт қажетті байланыс құралдарымен қамтамасыз етіледі және ол жасырын орналасады. Басқару тұрақты түрде жүргізілуі үшін негізгі басқару пункті секілді жабдықталған қосалқы басқару пункті құрылады; 2) авиацияда бөлім (бөлімше) командирінің карамағындағы бөлімшелердің ұшуы мен әрекеттеріне басшылық жасауды жүзеге асыратын басқару органы. Ол көрші бөлімдер мен өзінен жоғары тұрған командирлермен және бір-бірімен байланысты бөлімдермен хабарласып тұрады; 3) ұрыс(оқу) кезіндегі жеке құрам әрекетін басқаратын кеме командирінің кеме ішіндегі орны (әдетте, арнайы бөлме бөлінеді).