Коменданттық жол қызметі
Коменданттық жол қызметі (Дорожно-комендантская служба)—әскери-көлік жолдарында әскери қозғалысқа үздіксіз басшылық жасалуын қамтамасыз ету, оларда тәртіптін сақталуы, жол ережелерінің сақталуын бақылау және бүркеніш жасау шараларын жүзеге асыру мақсатында ұйымдастырылатын қызмет түрі. Әскери-көлік жолдарында коменданттык-жол қызметін ұйымдастыруда жол бөлімшелері қойылады. Коменданттық жол қызметі жол әскерлерінің, коменданттық жол бөлімшелерінің күштері мен құралдары негізінде жүзеге асады. Коменданттық жол қызметінің негізгі міндеттері: қозғалысқа реттеушілік бақылау жасау және оны реттеу; әскери көлік жолдарын және ондағы объектілерді қорғау, күзету; бұған катысты жеке құрам мен техникаға көмек көрсету; жолдардағы әскери-көліктің жағдайы туралы қозғалыс басқармасы органдарын, соған катыстыларды уақытында хабардар етіп отыру. Коменданттық жол қызметін жүзеге асыру үшін реттеу пункттері, реттеу постары, кызмет көрсету пункттері, азык-түлік, жанармай, техникалық және медициналық көмек, демалыс, жылыну пункттері ұйымдастырылады.[1]
Дереккөздер
өңдеу- ↑ Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|