Константин-Елена шіркеуі
Константин-Елена шіркеуі – Астана қаласының жергілікті маңызы бар тарих және мәдениет ескерткіштерінің мемлекеттік тізіміне енген сәулет өнері ескерткіші.
| Константин-Елена шіркеуі | |
 | |
| Жалпы мәлімет | |
|---|---|
| Статусы |
Астана қаласының республикалық маңызы бар тарих және мәдениет ескерткіші |
| Түрі |
діни мекеме, діни зиярат орны |
| Сәулет стилі |
қала құрылысы және сәулет |
| Мекен жайы |
Астана қаласы |
| Ашылған уақыты |
1902 жылы |
| Биіктігі | |
| Төбесі |
бес күмбезді |
| Техникалық сипаттамасы | |
| Басқа да өлшемдері |
ұзындығы – 33 м, ені – 8 м. |
| Картада орналасуы | |
|
| |
Координаттар: 51°09′40″ с. е. 71°25′51″ ш. б. / 51.16111° с. е. 71.43083° ш. б. (G) (O) (Я)
Орналасқан жері
өңдеуАстана қаласы, Республика даңғылы, 12.
Кезеңі
өңдеуСипаты
өңдеуЕскерткіш – XIX ғасырдан бері сақталған Астанадағы жалғыз православиелік діни ғимарат. Бес күмбезді шіркеу түзу крест түрінде салынған. Ғимараттың ұзындығы – 33 м, ені – 8 м. Храмының екі жағындағы 3,6 х 4 метр өлшемді екі кеңейтілім оны кірест тәрізді етеді. Ғибадатхананың жоғарыға ұмтылған сәулет тұрғысынан қатаң және әсем сызықтар ғимарат сыртының ақ түсімен үйлесіп, жеңілдік сезімін сыйлайды. Текше тәріздес негіздің үстінде сегіз қырлы терезелері бар барабан салынған, үсті күмбезбен аяқталатын жайпақ шатырмен жабылған. Кіреберістің үстінде төртбұрышты қоңыраухана бар. Сегізқырлы барабан және қоңырау ілетін мұнара жайпақ шатырмен жабылған және орталық күмбезбен бітеді. Қоңыраухана ғимараттың батыс жақ кіреберісінің үстінде орналасқан.
Қазіргі уақытта шіркеудің сырт келбеті сыланған және тас секілді.
Тарихи деректер
өңдеуАғаш шіркеуді салудың жоспары мен шығындары 1850 жылы жасалған. Құрылыс жұмыстарын инженер-лейтенант Г. А. Воротников жүргізді. Ғибадатхана әулие патшалар Константин мен Еленаның құрметіне 1854-1856 жылдары Сібір казак әскері қазынасының есебінен салынған. Кейінірек шіркеу қазіргі тұрған орнына көшірілген. Көшіру 1902 жылдың басына таман аяқталған.
1938 жылы Константин-Елена шіркеуі жабылды. Кірестер мен қоңыраулар алынып, қоңыраухана бұзылған.
1940 жылы ғимарат тарихи өлкетану музейіне берілді.
1942 жылы шіркеу діни қауым мүшелеріне қайтарылып, діни мекеме ретінде бүгінгі күнге дейін қызмет істеп келеді.[1]
Дереккөздер
өңдеу- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9