Костриково

Костриково – Қостанай облысының Федоров ауданындағы ауыл, ауылдық әкімшілік округі орталығы. Аудан орталығы – Федоровка кентінен солтүстік-батысқа қарай 30 км жерде орналасқан. Тұрғыны 1,2 мың адам (1999). Іргесі 19 ғасырдың соңғы жылдарында қаланды. 1930 жылдың басынан тың игеру жылдарына дейін ұжымшар және ауылдық кеңес ортлығы болып келді. 1961 жылдан бастап астық кеңшарының орталық болды. 1996 жылдан Костриковода шаруа қожалықтары ұйымдастырылды. Олар астық, сүтті-етті мал және шошқа өсіруге маманданған. Ауылда дүкен, орта мектеп, клуб, балалар бақшасы бар. Тұрғындары көрші елді мекендермен автомобиль жолы арқылы қатынасады.

Дереккөздер

Қазақ Энциклопедиясы, 11 - том