Коттедж

Коттедж (ағылш. сottage – шаруа үйі) – жекеменшік тұрғын үйлердің сәулетті үлгісі. Коттедж, негізінен, екі қабатты болады, кейде жартылай жер астындағы бөлмелерімен үш қабатты болып саналады. Төменгі қабатта ас-су және шаруашылық, жоғарыда демалатын бөлмелер орналасады. Қабаттар бір-бірімен ішкі басқыш арқылы жалғасады. Алғашқы Коттедждер 16 ғасырдың аяғы 17 ғасырдың басында Ұлыбританияда салынды. Қазақстанда Коттедж құрылысы 20 ғасырдың аяғында кең етек жайды.