Край Жүнісұлы Тоқсанбаев

Край Жүнісұлы Тоқсанбаев (1935-2003), фармакология саласы қызметеері, облыстық фармакология ісінің негізін салушылардың бірі, ҚазКСР еңбегі сіңген формацевты (1983), жоғары категориялы провизатөр-ұйымдастырушы (1968). Карағандының түлегі. Алматы мемлекеттік медицина институтын бітірген (1958). Қарағанды қаласында алғаш облыстық дәріхана басқармасы бастығының орынбасары (1965), 1966-1996 облыстық дәріхана басқармасының бастығы болды. Тоқсанбаев облыстың фармакология саласының бір жүйеге түсіп, дамуына елеулі үлес қосты. Бүкілодақтық фармацевтер коғамы басқармасының мүшесі. Еңбек Қызыл Ту орденімен марапатталған.