Кресс салат

Кресс-салат (лат. Lepidium sativum) - орамжапырақ тұқымдасына жататын татымды салат өсімдігі, мұны цивилизациялы елдерде - Египетте, Көне Грекия мен Римде егіп өсірген. Оның жапырақтарында С витамині (165 мг % дейін), каротин апельсиндегіден көп. Онда, сондай-ақ В1, В2, РР витаминдері бар және йод, темір, кальций қосындылары да көп. С витаминінің, калий мен кальций тұздарының қоры жағынан кресс-салат көк пияздан асып түседі. Кресс-салат ең тез пісетін дақыл: өсімдік шамамен он тәуліктен кейін пайдалануға жарамды болады. Шашып себеді. Дәндері 2-3 тәуліктен кейін көктейді. Ашық және қорғалған жерде өсіріледі.

егістік шытырмақ
Young plants
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар Сабы: Brassicales Тұқымдасы: Brassicaceae Тегі: Lepidium Түрі: L. sativum
Екі-есімді атауы
Lepidium sativum L.

Сорттары

Сорттары көп емес. Тез пісетін, биязы балауса жапырақтары бар Узколистный сорты жоғары бағаланады. Жазғы егіске қолайлысы - Широколистный сорты, ол мезгілсіз, күн ілгері сабақтана бермейді. Ал көп таралған сорттары: Грибовский, Курчавый.