Кросс (бокс)
Кросс (ағылш. cross — крест) — тура соққының бір түрі, ең ауыр деген соққылардың қатарына жатады, қарымта шабуылға ыңғайлы соққының бірі. Соққы қарсыластың шабуылы жасалған сәтте орындалады. Осы сәтте боксшының соққы жасайтын қолы қарсыластың қолының үстінен өтеді. Көп жағдайда - оңжақ кросс қарсыластың сол қолы арқылы, және керісінше - солжақ кросс оң қол арқылы жасалады. Ал нысана - қарсыластың басы.
Орындалу техникасы
өңдеу
Соққының жасалуы жұдырықтың кенеттен тұрған орнынан сілтенуінен басталады. Онымен қоса оң аяқ итеріліп, сол аяққа салмақ түсердің алдында дененің қозғалысы басталады. Соққы алға қадам жасап барып орындалуы мүмкін, немесе орында тұрып дене салмағын сол аяққа (солқай үшін - оң аяқ) ауыстыру арқылы орындалады.
Кросс ең ауыр, ең қуатты деген соққылардың қатарына жатады.