Кінәз Ибрагимович Мирзоев

Кінәз Ибрагимович Мирзоев (18.05.1947 жылы туған, Армян Республикасы Масис ауданы Регнаул қыстағы) - сыншы, ғалым, филология ғылымының докторы, профессор, Халықараралық Ғылым Академиясының академигі, ҚР Әлеуметтік академиясының академигі 1974 жылдан Армения мемлекеттік университетінде кафедра меңгерушісі, 1990 жылдары ҚазҰПУ-дың Шығыс филология факультетін басқарған. Қазір осы университеттің Әлемдік тілдер орталығының жетекшісі. "Әзірбайжан-курд әдеби байланысының тарихынан" (1975), "Рйа тезе" газеті бетіндегі Әзірбайжан әдебиетінің сауалдары" (1973), "Ұлттық әдебиет және байланыс"(1985), "Әдебиет көкжиектері"(1986), "Ұлттық әдебиеттегі халықтар достығы тақырыбы" (1988), "Достық көпірі" (1989), "Түрік және Әзірбайжан тілдерінің оқу бағдарламасы" (1992), "Низами және Шығыс халықтарының әдебиеті" (1995), "Курд әдебиетінің тарихи тағдыры" (1996), "Ресейдегі курд әдебиеті" (Мәскеу, 1977), "Курдтардың шағын энциклопедиясы" (2001), "Қазақ пен курд әдебиетінің байланысы" (2002), "Қазақстандағы курдтар" (2002). т.б. еңбектері жарық көрді. Құрмет орденімен марапатталған.