Кіріс пен шығыс балансы

Кіріс пен шығыс балансы– қаржы балансы. Онда белгілі бір кезең ішіндегі кіріс пен шығыс көздері мен шамасы көрсетіледі және олардың баланстың бір бөлігінің екінші бөлігіне сәйкестігі немесе олардың бір-бірінен асып түсуі белгіленеді. Егер шығыс кірістен асып түссе, баланс тапшы деп аталады. Ол кәсіпорынның ағымдағы жоспарын қорытындылайды. Бұл баланс жалпы мемлекетке, кәсіпорынға, отбасыға қатысты түрде жасалады. Онда: өнім өткізуден алынған ақшалай түсім, өткізілетін өнімнің өзіндік құны, мүлік өткізуден алынған пайда, негізгі өндірістік қызметпен тікелей байланысты емес қосалқы және қызмет көрсетуші шаруашылықтардан түскен пайда, өткізуден тыс қызметтен алынған пайда, таза пайда қамтылады.Ол бюджеттің негізін құрайды.