Күдері Би

Күдері Би (1875, Шыңжаң өлкесі, Тарбағатай аймағы, Шәуешек ауданы - 1920, сонда) - Төртуыл Найманның төбе биі. Әкесі Сымайыл зәңгі қайтыс болғаннан кейін, 30 жасында орнына сайланған. Төртуылдың үкірдайы Дәмежан жер мен су үшін жергілікті Цин үкіметі билеушілерімен тартысқанда, Күдері Би оны жақтаушылардың бірі болған. Шәуешек қ-нан 50 км жердегі Сібеті даласында өз қаражатына мешіт салдырып, мектеп ашқан. Ділмәр шешендігіне қоса, ақын болған. Шығармаларынан Дәмежанды жоқтауы мен Дәмелімен айтысының кейбір шумактары ғана сақталған. 1919 жылы желтоқсанда Шәуешек маңайындағы қазақ ауылдарының мал-мүлкі мен астығын таратып алып, қарсылық көрсеткендерді қатыгездікпен жазалаған ақ гвардияшылар ген-ы Бакичке елші болып барып, келісім жасаған. Әскерге қоныс беріп, қыстап шығуына көмектескен.