Күзембай Байбосынов

Күзембай Байбосынов (10 қазан 1941 жылы туған, Байзақ ауданы, «Қызыл Жұлдыз» ауылы) – ғалым, өлкетанушы.

• Жамбыл мәдени-ағарту училищесін (1961) бітірген.
• Шымкент мемлекеттік педагогикалық институтын (1968) бітірген.
• 1968 – 84 жылдары Жамбыл облысы тарихи-өлкетану мұражайында ғылыми қызметкер, бөлім меңгерушісі, 1984 – 98 жылдары директор, бөлім меңгерушісі.

Ғылыми жұмыстары

Бірнеше рет Қазақстан Ғылым Академиясының Археология институтының ғалымдары К.Ақышев, Х.Алпысбаев және К.М. Байпақов басқарған археологиялық ғылыми жұмыстарға қатысты. Өлкеміздің көне тарихын зерттеуде 1990 жылдары Көне Тараз, Төменгі Барысхан, Мойынқұм ауданындағы Қожа бала аңғарындағы қола дәуірінің ескерткіштеріне археологиялық қазба жұмысын жүргізген ғылыми экспедициялар ұйымдастырып, жетекшілік етті. Көп жылғы ғылыми жұмыстарының нәтижесінде

• «Жамбыл облысының көне Түркі тас мүсіндері» (1995)
• «Бақсылар» (1982)
• «Ұлы Жібек жолы және Тараз» (2002)
• авторлармен бірге «Қазақстанның мәдениет куәлары» (Италия, 2000)
• «Жамбыл облысының тарихи-мұраларының жиынтығы» (1982) сияқты ғылыми еңбектер жазды.

Марапаттары

• Облыстағы тарихи мұраларды зерттеудегі еңбегі үшін оған 1993 жылы «Қазақстанның еңбек сіңірген қызметкері» атағы берілді.