Күкіртті бактериялар

КҮКІРТТІ БАКТЕРИЯЛАР, күкірт қосылыстарын белсенді түрде тотықтандыратын тион бактериялары. К. б-на көптеген фотоавтрофты қара қошқыл және жасыл бактериялар жатады. Сондай-ақ түссіз хемотрофты К. б. да болады. Бұларға Thіobacіllus, Thіomіcrospіra, Sulfolobus туысына жататын түрлер кіреді. К. б. табиғаттағы зат алмасу процесіне қатысады. Мыс., топырақ арасына түскен ақуыз шірігенде, күкіртті сутек пайда болады. Бұны К. б. күкірт қышқылына дейін толықтырады, десульфаттайтын бактериялар күкірт қышқылы тұздарын күкірт сутекке дейін тотықсыздандырады. К. б. табиғатта күкіртті бұлақтарда, ағынсыз суда, топырақ арасында таралған. Күкіртті тотықтандыратын бактериялар мыс, т.б. бірнеше металдарды басқа тау жыныстарынан бөліп алу үшін қолданылады.‎