Күлбаран Әлібекова

Күлбаран Әлібекова (6.3. 1928 – 2003, Төле би ауданы Қызыл Әскер ауылы). Еңбек жолын 14 жасында жұмысшы болып бастап, Қызыл Әскер, Октябрь революциясы, ІІІ Интернационал ұжымшарларында түрлі шаруашылық жұмыстарында, егіс бригадаларында жұмыс істеген. 1961 – 1985 жылдары 1 Мамыр кеңшарында көкөніс бригадаларында жұмысшы, звено жетекшісі болды. Ол 1965 – 1967 жылдары картоптан рекордтық өнім алғаны үшін 1967 жылы Қазақ КСР Жоғарғы Кеңесіне депутат болып сайланды. «Құрмет белгісі» орденімен марапатталған (1972), «Батыр ана» медалінің иегері.