Күләпара

Күләпара, башлық, далбай — су өтпес үшін тымақтың сыртынан киетін бас киім.

Этимологиясы

"Күлә" сөзі парсы тілінен аударғанда бас киім деген мағына береді.

Қолданылуы

Жаз, күз, көктем айларында киетін күләпараға тек мата астар салынады. Ол әрі жеңіл, әрі қолайлы болады. Қыста киетін күләпараға түйе жүнін немесе мақта салып сырып, бір түсті матамен астарлайды. Күләпараның құлақ тұстарына кесте салынады немесе әртүрлі жіптермен әшекей жүргізіледі. Күләпараны екі қабат матадан жасайды.