Кәдімгі тентекқұс

Кәдімгі тентекқұс (Caprimulgus europaeus) - қара шұбар қоңырқай сұр қорғаныш реңді шағын денелі (75 г, қанат алымы - 60 см шамасында) құс.

Кәдімгі тентекқұс
Амандық күйі
Least Concern (IUCN3.1)
Ғылыми топтастыруы
Дүниесі: Жануарлар Жамағаты: Хордалылар Табы: Құстар Сабы: Тентекқұстәрізділер Тұқымдасы: Caprimulgidae Тегі: Caprimulgus Түрі: C. europaeus
Екі-есімді атауы
Caprimulgus europaeus Linnaeus, 1758
Breeding summer visitor        Winter visitor Distributions are very approximate. Most birds winter in the eastern African range.

Биологиялық сипаттама

Шу шығармай, оңтайлы, жеңіл ұшады. Тамағының екі жағында, қанат ұшында және қүйрық ұшының жиегінде сигнал беру рөлін атқаратын ақ теңбілдері бар. Тентекқұс іңір қараңғысында жалпақ аузын ашып алып, шаршамастан ұшып, жолында кездескендердің барлығын жинап жүріп қоректенеді. Ұялау орындарын талғамайды - 2 шұбар жұмыртқасын кез келген жерге: мейлі орман төсенішіне, тасшақпаға немесе жай ғана саздың үстіне, талғамай сала береді. Жұмыртқаларды ата-енелері кезектесіп басады, мұны тіпті әбден жақындаған кезде де байқау мүмкін емес. Балапандарды ұядан ұшқаннан кейін ата-енелер тағы жемдеумен болады.

Таралуы

Еуразия және Солтүстік-Шығыс Африканың үлкен бөлігіне қоныстанады. Қазақстанда мүлде тіршіліксіз шөлдерден басқа барлық жерлерге дерлік ұялайды. Тентекқұстар тұрақты жылылық орныққанда - сәуірдің соңында - мамырдың басында ұшып келеді, қыркүйекте ұшып кетеді, кейде қазанның басына дейін кешігуі де мүмкін.