Кәмила Мағауияқызы

Кәмила Мағауияқызы (1900-32) — Абайдың немересі.

Кәмәлия молдадан ескіше сауат ашқан. Шыныбай дегенге тұрмысқа шығып, көп кешікпей ажы- расады. Ағасы Жағыпар Мағауияұлының қолында жүрген кезінде Мұхтар Әуөзовпен отасады.

Әуезовтен Зере, Мағрипа деген балалары (жастай қайтыс болған) дүниеге келген. Конфискелеу зұлматы кезінде ерлі-зайыптылар ажырасты.

Кәмила Убо-форфост деген жерде ағасы Жағыпардың қолында қайтыс болған. Сүйегі Шульба СЭС-інің астында қалатын болғандықтан 1982 жылы қазып алынып, Ақшоқыдағы Құнанбай әулетінің зиратына қойылды. Кәмила Абай әндерін нақышына келтіріп айтатын шебер әнші болған. Оның күйеуі Мұхтарды сағынып шығарған арнау өлеңдері Абайдың әдеби-мемориалдық мұражай қорында сақтаулы.