Көбеев атындағы көше (Алматы)

Көбеев атындағы көше Көшеге қазақ жазушысы, ағартушы-педагог, Қазақ КСР-не еңбек сіңірген ұстаз - Спандияр Көбеевтің есімі (Алматы қаласы атқару комитетінің 26.12.1962 №453/26 шешімі) берілген. Көбеев Спандияр (1878-1956) Қостанай облысының Мендіқара ауданы Ақсуат ауылында дүниеге келген. Ол - «Қалың мал», «Үлгілі бала» т.б. шығармалардың авторы. Көше Түрксіб ауданында орналасқан. Қаланың солтүстігінен оңтүстігіне қарай Кремль көшесін қиып өтіп, Тоқай көшесіне барып тіреледі. Бұрынғы атауы - Молодежная көшесі. Көшенің ұзындығы - 1320 метр.