Көбіков атындағы көше (Алматы)

Көбіков атындағы көше Көшеге Кеңестер Одағының Батыры - Хамит Қожабергенұлы Көбіковтің есімі (Алматы қаласы атқару комитетінің 14.05.1975 №194 шешімі) берілген. Көбіков Хамит Қожабергенұлы (1916-1973)Алматы облысы Панфилов ауданында дүниеге келген. Ол Днепр, Львов шайқастарында ерлігімен ерекше көзге түскен. Көше Түрксіб ауданында орналасқан. 1-Алматы темір жол станциясының солтүстік жағында орналасқан. Батыстан шығысқа қарай Орел көшесінен басталып, Бостандық көшесіне дейін созылып жатыр. Бұрынғы атауы - Ғабдуллин көшесі. Көшенің ұзындығы - 1630 метр.