Көбік тенгіш жуғыш заттар

Көбік тенгіш жуғыш заттар - ванна қабылдау, денені және шашты жуу үшін әр түрлі пайдалы қоспалар негізінде дайынд алатын хош иісті сұйық препарат. Олардың құрамында денені сергітетін, шаршағанда тыңайтатын, теріні жұмсартатын әсері бар өсімдік сығындылары, эфир майы болады. Кермектігі әр түрлі суларда жақсы көбіктенеді, кір кетіру қабілеті жоғары, әрі жуынғаннан кейін денені балбыратып, шашты жұмсартып әдемі реңк береді.

Көбіктенгіш жуғыш заттарға: Бодрость (құрамында өсімдік сығындылары және биологиялық поливитаминдер бар), Селена, Пихта, Глория, Раса, Морская (табиғи теңіз тұзы бар) Кориандр, Пингвин, Хвойная, Перле жатады. Жаңа өсімдік сығындыларын пайдалану негізінде көбіктенгіш жуғыш заттардың да түрлері көбейіп келеді. Құрамында аралия сығындысы бар Аралия, Фенхель майы бар Вербена, элеутеррококты Веста, жалбыздың эфир майы бар Мелиса, женьшеннің биомассасы бар Диона т. б. көбіктенгіш жуғыш заттар шығару игерілген. Сондай-ақ балалар ваннасы үшін көзді ашытпайтын арнаулы препарат шығарыл ады. Сауда орындарына көбіктенгіш жуғыш заттардың шетелдік түрлері де (мыс., неміс препараты Бадуэа) түседі.