Көз астигматизмі

Көз астигматизмі (грекше а.- теріс және stigme - нүкте)- көздің қасаң қабығының,кейде көз бұршағы дөңестігінің біркелкі болмауынан көздің сәуле бағытын өзгерту қабілетінің кемістігі.Заттан шашыраған сәуле көздің тор қабығында бейнеленетіндіктен, сол затты адам анық көреді. К. а. кезінде сәуле тор қабықта анық бейнеленбейді. Қалыпты ағдайда адамның көзі алыстан да, жақыннан да анық көреді. К. а. туа және жүре пайда болуы мүмкін. Жүре пайда болған кемістік әр түрлі жағдайларға байланысты болады. К. а. кезінде көздің көруі нашарлайды да, кәдімгі көзілдірікке цилиндр шыны немесе контактілі линза орнатылады.

Дереккөздер

Қазақ Совет Энциклопедиясы, Алматы, 1975ж., 6том, 5бет